У РУУС Першамайскага раёну Менску загінула 56-гадовая жанчына. Гэтую інфармацыю Свабодзе пацьвердзілі ва ўпраўленьні Сьледчага камітэту па Менску.
Цяпер па гэтым факце праводзіцца праверка, сьледчыя вызначаюць прычыну сьмерці.
Паводле Telegram-каналу NEXTA, жанчыну затрымалі 23 лістапада за адміністрацыйнае правапарушэньне. Пазьней яна нібыта засілілася на ўласным станіку ў гарадзкім аддзяленьні міліцыі Першамайскага раёну.
