Ад выбуху ў рэстаране ў горадзе Мост на паўночным захадзе Чэхіі 11 студзеня загінулі шэсьць чалавек, паведамляюць чэскія СМІ.
У Міністэрстве ўнутраных справаў Чэхіі адзначылі, што «прычынай, верагодна, стаў прапан-бутанавы абагравальнік, які перакуліўся ў палісадніку рэстарана». Паводле МУС, у момант выбуху ў рэстаране знаходзілася каля 20 гасьцей. Акрамя шасьці загінулых, яшчэ восем чалавек атрымалі раненьні.