Сёньня прэм’ер-міністар Расеі Міхаіл Мішусцін ўручыў прэміі ураду Расеі за 2024 год у галіне сродкаў масавай інфармацыі. Адной з узнагароджаных была супрацоўніца беларускай дзяржаўнай тэлевізіі Ксенія Лебедзева.
Ладная частка ляўрэатаў была адзначаная за асьвятленьне падзеяў расейскай вайны супраць Украіны і жыцьця на акупаваных Расеяй тэрыторыях Украіны. Некаторыя ўзнагароджаныя — ураджэнцы і жыхары гэтых рэгіёнаў Украіны.
За падобную ж прадукцыю была адзначаная і Лебедзева, нагодай для атрыманьня ёй прэміі стала зьнятая ёй стужка «Марыюпаль».
ГЛЯДЗІЦЕ ТАКСАМА: Абвінавачаны ў шпіянажы на карысьць Беларусі літоўскі юрыст зьняпраўдзіў супрацу зь беларускімі спэцслужбаміЛетась у Літве да 11 гадоў зьняволеньня за шпіянаж на карысьць Беларусі быў асуджаны юрыст Мантас Данелюс. Яго абвінавацілі ў ўборы інфармацыі для беларускіх спэцслужбаў. паводле абвінавачаньня, каналам перадачы інфармацыі была менавіта Лебедзева.
А Служба бясьпекі Ўкраіны ў сьнежні 2024 году апублікавалі перапіску Лебедзевай і арганізатара каналу для ўхілістаў ад мабілізацыі ва Ўкраіне. У СБУ заявілі, што ўраджэнец Жытомірскай вобласьці, якога затрымалі за арганізацыю каналу для ўкраінскіх уцекачоў ад мабілізацыі і які даваў інтэрвію Лебедзевай, супрацоўнічаў з Фэдэральнай службай бясьпекі Расеі і пасьля ўцёкаў у Беларусь плянаваў выехаць у Расею.
ГЛЯДЗІЦЕ ТАКСАМА: Ва Ўкраіне ўдзельніку праграмы Лебедзевай «Дапаможнік для ўхілістаў» пагражае пажыцьцёвае зьняволеньне