Дата дня
21 сьнежня 1991 году кіраўнікі 11 былых савецкіх рэспублік у Алма-Аце прынялі Дэклярацыю аб утварэньні Садружнасьці незалежных дзяржаваў і канстатавалі спыненьне існаваньня СССР. Такім чынам падпісаныя раней Белавескія пагадненьні былі пацьверджаныя фактычна. Да Беларусі, Расеі ды Ўкраіны далучыліся іншыя былыя савецкія рэспублікі – з выняткам Грузіі, Латвіі, Літвы і Эстоніі.
Таксама ў гэты дзень
1846 — шатляндзкі хірург Робэрт Лістан правёў першую ў Эўропе апэрацыю з анэстэзіяй.
1898 — П’ер і Марыя Кюры адкрылі радый.
Марыя Кюры, Парыж, 1925
1913 — у нью-ёрскай газэце надрукавалі першую ў гісторыі крыжаванку.
1918 — са згоды Рады дзяржаўнай абароны Літвы быў утвораны першы Горадзенскі беларускі полк.
1943 — створаная Беларуская цэнтральная рада на чале з Радаславам Астроўскім.
1958 — Шарля дэ Голя выбралі прэзыдэнтам Францускай Рэспублікі.
Шарль дэ Голь
2007 — да Шэнгенскага пагадненьня далучыліся 9 краінаў Эўразьвязу — Літва, Латвія, Эстонія, Польшча, Чэхія, Славаччына, Славенія, Вугоршчына і Мальта.
У гэты дзень нарадзіліся
1796 — Тамаш Зан, паэт, удзельнік вызвольнага руху, сябра Таварыства філяматаў.
Тамаш Зан, карціна Валенція Ваньковіча
1879 — Ёсіф Сталін, савецкі дыктатар.
1890 — Мікалай Аладаў, кампазытар, пэдагог, адзін з арганізатараў і першых выкладнікаў Беларускай кансэрваторыі і Беларускага музычнага тэхнікуму.
1934 — Іван Чыгрынаў, беларускі празаік, драматург, перакладнік, публіцыст. У 1994-м Чыгрынаў атрымаў званьне народнага пісьменьніка Беларусі.
Іван Чыгрынаў. 1980-я гг. Фота Анатоля Каляды. З фондаў БДАМЛМ
1967 — Міхэіл Саакашвілі, прэзыдэнт Грузіі з 2004 па 2013 год.
1971 — Аляксандар Памідораў, музыка, аўтар песень, журналіст.
Аляксандар Памідораў
У памяці
1375 — Джавані Бакача, італьянскі пісьменьнік, аўтар «Дэкамэрону».
1911 — Фёдар Леантовiч, гісторык ВКЛ.
1940 — Фрэнсіс Скот Фіцджэральд, амэрыканскі пісьменьнік.
1981 — Міхась Забэйда-Суміцкі, беларускі опэрны сьпявак, саліст La Scala, пэдагог.
Міхась Забэйда-Суміцкі, 1972
1989 — Сэм’юэл Бэкет, ірляндзкі пісьменьнік, адзін з заснавальнікаў тэатру абсурду, ляўрэат Нобэлеўскай прэміі 1969 году.
Сэм'юэл Бэкет на рэпэтыцыі спэктаклю "У чаканьні Гадо"
2017 — Валянцін Бадзьяраў, скрыпач «Сяброў» і «Песьняроў».
ГЛЯДЗІЦЕ ТАКСАМА: Памёр Валянцін Бадзьяраў, скрыпач «Сяброў» і «Песьняроў»